Yaşıl çayın müntəzəm istehlakı sağlamlıq üçün faydalıdır.
Manset.az Milli.az-a istinadən xəbər verir ki, dietoloqların fikrincə, yaşıl çay tərkibindəki kofein qəfil enerji artımı yaratmadan gümrahlığı və diqqəti artırır.
Mütəxəssislər bildirirlər ki, antioksidantlarla zəngin olan bu içki ürək, beyin, qaraciyər və həzm sisteminin fəaliyyətini dəstəkləyir, immuniteti gücləndirir və maddələr mübadiləsinə müsbət təsir göstərir.
Bundan başqa, araşdırmalar yaşıl çayın normada qəbul edilməsinin insult riskinin azalmasına kömək edə biləcəyini göstərir. Ən yaxşı nəticə isə onu balanslı qidalanma və sağlam həyat tərzi ilə birlikdə istifadə etdikdə əldə olunur.
