Mübariz İbrahimov adına Biləsuvar Təhsil Kompleksində Azərbaycan–Çin təhsil əməkdaşlığına həsr olunmuş görüş keçirilib. Tədbir çərçivəsində Konfutsi Mərkəzinin açılışı baş tutub.
Manset.az xəbər verir ki, tədbirdə Azərbaycan Dillər Universitetinin rektoru, akademik Kamal Abdulla, Çinin Azərbaycandakı səfiri Lu Mey və Təhsil Kompleksinin İcraçı direktoru Aqşin Bağırov iştirak ediblər.
Çıxışlarda Konfutsi Mərkəzinin şagirdlərin xarici dil biliklərinin, mədəni dünyagörüşünün və beynəlxalq əməkdaşlıq imkanlarının inkişafına mühüm töhfə verəcəyi vurğulanıb. Görüşdə gələcək əməkdaşlıq perspektivləri də müzakirə olunub.
