"Azərbaycan Televiziya və Radio Verilişləri" QSC-nin sədri Rövşən Məmmədov yaxın günlərdə TRT-də təcrübə keçmək üçün Türkiyəyə yola düşəcək AzTV əməkdaşları ilə görüşüb.
Manset.az xəbər verir ki, R.Məmmədov görüşdə AzTV-TRT əməkdaşlığının tarixçəsindən, o cümlədən telekanallar arasında imzalanan "yol xəritəsi"nin faydalarından bəhs edib. Mübadilə proqramının üstünlüklərini diqqətə çatdıran QSC sədri sonda Türkiyəyə yollanacaq əməkdaşlara tövsiyələrini verib, onlara uğurlar arzulayıb.
AzTV-TRT əməkdaşlığı çərçivəsində Azərbaycan Televiziyasının 6 əməkdaşı (müxbir, sosial media mütəxəssisi, rejissor, operator, işıqçı, montajçı) may ayının 23-dən etibarən iki həftə müddətinə TRT-nin təlimlərində iştirak edəcəklər. İlin sonuna kimi daha bir neçə əməkdaşın təcrübə keçmək üçün Türkiyəyə göndərilməsi planlaşdırılır.
Qeyd edək ki, mart ayında AzTV-də TRT-nin müxtəlif sahələr üzrə aparıcı mütəxəssisləri tərəfindən təlimlər keçirilmişdi.
