Azərbaycanda koronavirus (COVID-19) infeksiyasına son sutkada 18 yeni yoluxma faktı qeydə alınıb, 19 nəfər müalicə olunaraq sağalıb.
Manset.az xəbər verir ki, bu barədə Nazirlər Kabineti yanında Operativ Qərargah məlumat yayıb.
Məlumata görə, xəstəlikdən ölüm halı qeydə alınmayıb.
İndiyədək ölkədə ümumilikdə 822 617 nəfərin koronavirus infeksiyasına yoluxması faktı müəyyən edilib, onlardan 812 247 nəfər müalicə olunaraq sağalıb, hazırda 438 aktiv xəstə var. Bu günə qədər 9 932 nəfər vəfat edib.
Son sutka ərzində yeni yoluxma hallarının müəyyənləşdirilməsi ilə əlaqədar 1 458, bu günə qədər isə ümumilikdə 7 290 601 test icra olunub.
