Azərbaycanda tanınmış operator Rüfət Kərimov vəfat edib.
Manset.az Metbuat.az-a istinadən xəbər verir ki, R.Kərimov ötən gün dünyasını dəyişib. Məlumata görə, operatorun ürəyində uzun illər problem olub. Onun 45 yaşı var idi.
Qeyd edək ki, R.Kərimov 1978-ci ildə Bakıda anadan olub. Müxtəlif televiziya kanallarında operator olaraq çalışıb. Onun sonuncu iş yeri Bakı Media Mərkəzi olub.
O, "Ömrün sarı rəngi", "Katarsis" "Arif Babayev", "Səhra gülü", "Ömrün simfoniyası" və s. xeyli sayda qısametrajlı filmlərin operatoru olub.
