Qəzzada İsrailin hücumlarında həyatını itirən fələstinlilərin sayı son 10 gündə 1070 artaraq 29 min 410, yaralıların sayı isə 69 min 465-ə çatıb.
Manset.az-ın xarici mediaya istinadən məlumatına görə, bu barədə Fələstin Səhiyyə Nazirliyi məlumat yayıb.
Fələstinin Qəzzada Səhiyyə Nazirliyi İsrailin 139 gündür həyata keçirdiyi hücumlarla bağlı məlumat verib. Açıqlamada İsrailin son 24 saat ərzində həyata keçirdiyi hücumlarda 97 nəfərin öldüyü, 132 nəfərin yaralandığı bildirilib.
Səhiyyə Nazirliyinin açıqlamasında dağıntılar altında və yol kənarında hələ də ölənlərin olduğu, lakin İsrail qüvvələrinin maneəsi səbəbindən tibb qrupları və mülki müdafiə işçilərinin cəsədlərə çata bilmədiyi vurğulanıb.
Əfsanə Rəcəb
Manşet.az
