2025-ci ilin yanvarından Gürcüstanda ən yüksək maaşı prezident və baş nazir alacaq.
Manset.az axar.az-a istinadən xəbər verir ki, müvafiq düzəlişlər ölkə parlamenti tərəfindən yekun oxunuşda təsdiqlənib.
Dəyişikliyə əsasən, prezidentlə baş nazirin maaşı eyni olacaq. Hökumət üzvlərinə və deputatlara gəlincə, onların maaşları yeni düsturla hesablanacaq: baza maaşı tutduğu vəzifədən asılı olacaq əmsalla vurulacaq.
Ən yüksək əmsal prezident və baş nazir üçün 10 olacaq.
Parlamentin sədri, nazirlər, habelə muxtariyyətlərin və muxtar vilayətlərin Ali Sovetinin rəhbərləri üçün əmsal 8.5, nazir müavinləri və digər müavinlər üçün isə 7,25 olacaq.
