2000-ci illərin əvvəllərində Türkiyədə uşaq aktyor kimi seriallara çəkilən Batuhan Berkay Göksu dünyasını dəyişib.
Manset.az-ın xarici mediaya istinadən məlumatına görə, 33 yaşlı Göksunun bir müddətdir xərçəng xəstəliyindən müalicə aldığı xəstəxanada martın 10-da dünyasını dəyişdiyi öyrənilib.
Qeyd edək ki, Göksu “Seni Yaşatacağım” serialında Can obrazını canlandırıb.
O, Nurseli İdiz, Can Gürzap, Berna Laçın, Yetkin Dikiciler kimi usta adlarla baş rolda oynayıb.
Uşaqlıqda başladığı aktyorluğu bitirdikdən sonra Göksu proqram tərtibatçısı kimi çalışıb.
Əfsanə Rəcəb
Manşet.az
