Yəmənin cənubundakı Ebyen əyalətinin sahillərində qeyri-qanuni miqrantları daşıyan qayıq əlverişsiz hava şəraiti səbəbindən batıb.
Manset.az xarici mediaya istinadən xəbər verir ki, hadisə nəticəsində 68 nəfərin həyatını itirdiyi bildirilib.
Ebyen əyaləti polis idarəsinin verdiyi açıqlamaya görə, Afrika Buynuzu bölgəsindən gələn və Yəmən ərazisinə qeyri-qanuni yollarla girməyə cəhd edən qayığın batması nəticəsində çoxsaylı etiyopyalı miqrantların cəsədləri tapılıb. Həyatını itirənlərin cəsədlərinin çıxarılması üçün genişmiqyaslı əməliyyatın davam etdiyi bildirilib.
Səlahiyyətlilər həmçinin, cəsədlərin müxtəlif sahil zolaqlarında tapıldığını və bəzi şəxslərin hələ də itkin düşdüyünü açıqlayıblar.
