Rusiya ordusunun müharibə başlayandan bəri artıq üçüncü dəfə boru kəmərlərindən istifadə edərək piyada qüvvələrini gizli şəkildə cəbhə xəttinə keçirməsi qeydə alınıb.
Manset.az Modern.az-a istinadən xəbər verir ki, bu barədə ABŞ-ın Müharibənin Öyrənilməsi İnstitutu (ISW) son hesabatında bildirib.
İnstitutun analitikləri qeyd edirlər ki, sonuncu dəfə Kupyansk yaxınlığında bu əməliyyata cəhd edilib. Daha əvvəl Avdeyevka, sonra isə Sudja döyüşlərində eyni taktikadan istifadə edilib.
Ekspertlər vurğulayır ki, bu üsulu müxtəlif Rusiya briqadaları həyata keçirib və bu, taktiki təcrübənin bölüşdürülməsinin sistemli xarakter aldığını göstərir.
Bununla belə, institut istisna etmir ki, borulardan istifadə yalnız ayrı-ayrı bölmələrin təşəbbüsü ola bilər. Bu cür botlar rus qüvvələrinə maskalanma imkanı verir, bu da dronların daimi müşahidəsi şəraitində irəliləyişə kömək edə bilər.
Ukraynanın "DeepState" layihəsi daha əvvəl bildirib ki, ruslar Kupyansk yaxınlığında işləməyən qaz kəmərinin böyük borusundan istifadə edirlər. Ukrayna Silahlı Qüvvələrinin Baş Qərargahı isə vəziyyətin nəzarətdə olduğunu, qaz kəmərinin şəhərə girmədiyini və rus qoşunlarının birbaşa Kupyanska çıxışının olmadığını açıqlayıb.
