İspaniyada Sağlıq Nazirliyi və 17 müstəqil bölgənin səhiyyə qurumları, artan qrip halları ilə mübarizə aparmaq məqsədilə, evdən işləmə, maska taxma, vaksinasiya və havalandırma kimi tədbirləri əhatə edən bir protokolu təsdiqləyiblər. Qrip epidemiyası "çox yüksək risk" səviyyəsinə çatarsa, COVID-19 pandemiyası dövründə olduğu kimi maska taxmağın məcburi ola biləcəyi qeyd edilib.
Manset.az xarici mediaya istinadən xəbər verir ki, Sağlıq naziri Monica Garcia, ABŞ mərkəzli X şirkətinin sosial media platformasında etdiyi açıqlamada, "Ağır Tənəffüs Yolu Infeksiyalarının Nəzarəti ilə bağlı Təkliflər Protokolu"nun təsdiq edildiyini bildirərək, "Qrip, COVID-19 və digər tənəffüs yolu infeksiyaları ilə mübarizə aparmaq üçün bütün müstəqil bölgələrlə ortaq bir protokol təsdiq etdik. Evdən işləmək və səhiyyə müəssisələrində maska taxmaq həyati əhəmiyyət kəsb edir. Biz bunun lazım və mümkün olduğunu dedik. Və biz bunu bacardıq." ifadəsini istifadə edib.
Evdən işləmə, maska taxma, vaksinasiya və havalandırma kimi tədbirlər hal-hazırda tövsiyə xarakteri daşıyır və protokolda, "aşağı", "orta", "yüksək" və "çox yüksək" risk səviyyələrinə əsasən, tədbirlərin artırılacağı və məcburi olacağı bildirilib.
Protokolda, Ağır Tənəffüs Yolu Infeksiyaları Nəzarət Sistemi, Gündəlik Ölüm İzləme Sistemi və Vaksinasiya Məlumat Sistemi kimi məlumatların daim izləniləcəyi, xəstəxanalar və reanimasiya şöbələrindəki doluluq nisbətinə əsasən tədbirlərin gücləndirilə biləcəyi qeyd olunub.
