“Öldünmü?” adlı mobil tətbiq əvvəlcə Çin, sonra isə bütün dünyada diqqət çəkib.
Manset.az xarici mediaya istinadən xəbər verir ki, “Are You Dead?” (Öldünmü?) adını daşıyan tətbiq, tək yaşayanlar üçün hazırlanıb. Sistem çox sadədir: İstifadəçilər hər gün tətbiqə daxil olaraq “check-in” edirlər. Bir neçə gün ardıcıl olaraq daxil olunmazsa, tətbiq avtomatik olaraq istifadəçinin təcili əlaqə nömrəsinə bildiriş göndərir.
"CNN International"ın xəbərinə əsasən, son həftələrdə viral hala gələn tətbiq dövlət nəzarətindəki Global Times tərəfindən verilən məlumata görə, həftəsonu Apple-ın ödənişli tətbiqlər siyahısında zirvəyə yüksəlib. Sonra beynəlxalq media tərəfindən diqqətə alındıqca, yükləmə dalğası daha da böyüdü; tətbiq yeni bir adla yenidən markalaşdı və abunəlik modelinə keçdi.
