Aralıq dənizində şiddətli "Harry" fırtınası İtaliyanın cənub bölgələrini və Maltada gündəlik həyatı mənfi təsir edib.
Manset.az xarici mediaya istinadə xəbər verir ki, həftənin əvvəlində başlayan güclü küləkli və şiddətli yağışlı "Harry" fırtınası təsirini bu gün də davam etdirir.
Gecə boyunca fırtınanın gətirdiyi böyük dalğalar, xüsusən Siciliya və Kalabriya bölgələrindəki sahil kəndlərində çox sayda küçənin su altında qalmasına səbəb olub, bəzi yerlərdə yolların çöküşü və sahildəki obyektlərin zərər görməsi ilə nəticələnib.
Yerli hakimiyyət orqanları vətəndaşları "sahillərdən uzaq durmağa" çağırıb.
Siciliya adasında Katanya Messina və Ragusa şəhərlərində fırtına səbəbindən bu gün də məktəblərdə tədris dayandırılıb.
