Türkiyənin Manisanın Yunusemre rayonunda bir kişi boşanmaq üzrə olduğu arvadını küçənin ortasında boynundan vuraraq öldürüb.
Manset.az Türkiyə mediasına istinadən xəbər verir ki, hadisə saat 11:15 radələrində Yunusemre rayonunun Mareşal Fevzi Çakmak məhəlləsində baş verib.
Məlumata görə, 37 yaşlı Hayrettin Karataş boşanma prosesində olduğu həyat yoldaşı 37 yaşlı Pınar Karataşa küçənin ortasında özü ilə gətirdiyi silahla hücum edib.
Pınar Karataş boynundan güllələnərək yerə yıxılıb, güclü qanaxma keçirib. Ətrafdakıların verdiyi məlumata görə, hadisə yerinə tibbi və polis qrupları göndərilib. Polis ərazini mühasirəyə alıb və qaçan şübhəli 300 metr aralıda tutulub.
Boşanma prosesində olan cütlüyün 7 uşağı olduğu və həyatını itirən Pınar Karataşın cəsədinin məhkəmə tibb ekspertizası morquna aparıldığı öyrənildi.
