ABŞ-nin "3 Doors Down" rok-qrupunun solisti Bred Arnold 47 yaşında vəfat edib.
Manset.az oxu.az-a istinadən xəbər verir ki, bu barədə qrupun sosial media səhifəsində dərc olunmuş açıqlamada bildirilib.
Qeyd olunub ki, o, xərçəng xəstəliyindən əziyyət çəkirdi. 2025-ci ilin may ayında Arnold ona böyrək xərçəngi diaqnozu qoyulduğunu elan etmiş, bununla bağlı qrupun yay turnesi ləğv olunmuşdu.
"3 Doors Down" qrupu 1996-cı ildə Missisipidə yaradılıb. Qrup 2000-ci ildə işıq üzü görən debüt albomu "The Better Life" ilə tanınmağa başlayıb. Onların ən məşhur mahnıları arasında "Kryptonite" və "Here Without You" kompozisiyaları da var.
