Türkiyənin Ərzurum şəhərinin Aşkale rayonunda qatı duman və buzlanma səbəbilə yüngül ticarət nəqliyyat vasitələri və yük maşınlarının da qarışdığı zəncirvari qəza baş verib.
Manset.az Türkiyə mediasına istinadən xəbər verir ki, hadisədə çox sayda insan yaralanıb. Xəstəxanaya aparılan 8 nəfərin vəziyyətinin ağır olduğu bildirilib.
Qəzada bəzi nəqliyyat vasitələri ciddi ziyan görüb. Nəqliyyat vasitələrində sıxışmış yaralılar yanğınsöndürmə qruplarının yorulmadan apardıqları əməliyyatla çıxarılaraq, tibbi heyətə təhvil verilib.
