Rusiyada "Instagram"a məxsus loqotipi istifadə etdiyi səbəbilə bir internet saytının sahibinə həbs cəzası verilib.
Manset.az xarici mediaya istinadən xəbər verir ki, məhkəmə prosesi Moskva şəhərində keçirilib və "Gulag-Info" adlı internet saytına qarşı açılan davada Rusiyada giriş qadağası olan "Instagram"a məxsus loqotipin saytda yerləşdirilməsinin qanunlara zidd olduğu qərarına gəlinib. Məhkəmə saytın sahibi Denis Soldatova 15 gün həbs cəzası verib.
Qeyd edək ki, Rusiya-Ukrayna müharibəsinin başlanmasından sonra "Facebook" və "Instagram" ilə yanaşı, "X" və "YouTube" kimi bir çox xarici rəqəmsal platformaya ölkədə giriş məhdudlaşdırılıb.
