Hörmüz boğazı yaxınlığında üç partlayış səsinin eşidildiyi bildirilib.
Manset.az xarici mediaya istinadən xəbər verir ki, məlumata görə, hadisə Hörmüz boğazı sərhədlərində və Keşm adasının cənub hissəsində qeydə alınıb.
Qeyd olunur ki, partlayışlar boğazda hərəkət edən gəmilərin fəaliyyətinə nəzarət məqsədilə həyata keçirilmiş ola bilər. Hadisənin baş verdiyi ərazi dünya enerji daşımalarının mühüm marşrutlarından biri hesab olunur.
ABŞ və İran arasında əldə olunmuş razılaşmanın bölgədə sabitliklə bağlı gözləntiləri artırdığı bir vaxtda baş verən bu hadisə diqqət çəkib. Bununla belə, İran İslam İnqilabı Keşikçiləri Korpusu və yerli qurumlar məsələ ilə bağlı hələlik rəsmi açıqlama verməyiblər.
