Türkiyənin Bursa şəhərində avtomobil binanın həyətinə düşüb.
Manset.az xarici mediaya istinadən xəbər verir ki, qəza zamanı avtomobilin arxa hissəsi səki üzərində asılı vəziyyətdə qalıb. Nəqliyyat vasitəsində olan ana və iki uşaq yaralanıb.
Qəza saat 13:00 radələrində Arapzade məhəlləsi Arkaltı küçəsində baş verib.
Yaralı ana və iki uşağa ilkin tibbi yardım göstərildikdən sonra onlar Orhangazi Dövlət Xəstəxanasına aparılıb. Yaralıların vəziyyətinin yaxşı olduğu bildirilir. Hadisə ilə bağlı araşdırma aparılır.
