Almaniyada AfD-nin Saksoniya-Anhalt əyalətindəki seçki qələbəsindən sonra federal hökumət hərəkətə keçib.
Manset.az xarici mediaya istinadən xəbər verir ki, Berlin AfD-nin əyalətdə hökumət quracağı təqdirdə Rusiyaya və mümkün müharibə ssenarilərinə dair məxfi kəşfiyyat və müdafiə məlumatlarına əyalət rəhbərliyinin çıxışının məhdudlaşdırılması məsələsini nəzərdən keçirir.
Almaniyada AfD-nin Saksoniya-Anhalt əyalətində qazandığı tarixi qələbədən sonra Berlində təhlükəsizliklə bağlı hazırlıqlar gücləndirilib. Federal hökumət AfD-nin əyalətdə hakimiyyət formalaşdıracağı halda Rusiya və müharibə planlarına dair bəzi məxfi kəşfiyyat məlumatlarının əyalət rəhbərliyinə ötürülməsini məhdudlaşdırmağı müzakirə edir.
Almaniya ordusunun 2024-cü ildə hazırladığı və təxminən 1000 səhifədən ibarət olan məxfi “Oplan” sənədi genişmiqyaslı böhran və ya müharibə baş verəcəyi təqdirdə Almaniyanın həyata keçirəcəyi tədbirləri müəyyənləşdirir. Sənədə əyalətlərin yüksək vəzifəli rəhbərlərinin də çıxışı mümkündür.
Lakin Berlin AfD-nin Saksoniya-Anhaltda hökumət quracağı təqdirdə bu çıxış imkanının məhdudlaşdırılmasını müzakirə edir.
Almaniyanın Federal Müdafiə Nazirliyi də hansı təhlükəsizlik məlumatlarının qorunmasının zəruri olduğunu qiymətləndirdiyini təsdiqləyib. Nazirlik məsələnin təfərrüatları barədə isə açıqlama verməkdən çəkinib.
