Fələstin torpaqlarını zəbt edən 1300-dən çox israilli İsrailin işğalı altında saxladığı Şərqi Qüdsdə Sukkot (Çardaqlar) bayramını bəhanə edərək Məscidül-Əqsaya daxil olub.
Manset.az xarici mediaya istinadən xəbər verir ki, Məscidül-Əqsaya daxil olan qrupu İsrail polisinin mühafizə etdiyi bildirilib.
Qüds İslam Vəqfləri İdarəsinin yaydığı yazılı açıqlamada 1317 israillinin səhər saatlarında İsrail polisinin mühafizəsi altında Məscidül-Əqsaya daxil olduğu bildirilib.
Adının açıqlanmasını istəməyən Qüds İslam Vəqfləri İdarəsinin rəsmisi yüzlərlə israillinin səhər saatlarından etibarən İsrail polisinin mühafizəsi ilə Məscidül-Əqsaya daxil olmağa davam etdiyini bildirib.
Rəsminin sözlərinə görə, girişlər zamanı Məscidül-Əqsada mövcud tarixi status-kvo pozulub, dini ayinlər icra olunub və dualar edilib. Həmçinin mahnı oxunub və rəqs edilib.
