Yaponiyada yerləşən toyuq fermasında bir gecə ərzində çoxsaylı toyuğun şübhəli şəkildə tələf olması quş qripi təhlükəsini gündəmə gətirib. Xəstəliyin aşkarlanmasından sonra fermadakı 200 min toyuğun məhv ediləcəyi açıqlanıb.
Manset.az xarici mediaya istinadən xəbər verir ki, Kameoka şəhərində yerləşən fermada dünən çoxsaylı toyuğun qəfil tələf olması ilə əlaqədar aparılan müayinələr zamanı quş qripinin yüksək yoluxuculuq qabiliyyətinə malik H5 variantı aşkarlanıb.
Karantinə alınan fermanın 10 kilometr radiusunda yerləşən əraziyə hərəkət məhdudiyyəti tətbiq olunub.
Bundan əlavə, profilaktik tədbir olaraq müəssisənin 3 kilometr radiusunda yerləşən digər fermalardan toyuq və yumurta daşınması müvəqqəti dayandırılıb.
