Yəməndə İranın dəstəklədiyi husilər Səudiyyə Ərəbistanının paytaxtı Ər-Riyadda iki neft nasos stansiyasını, Kral Xalid Beynəlxalq Hava Limanını və maliyyə mərkəzini hədəf aldıqlarını bəyan ediblər.
Manset.az xarici mediaya istinadən xəbər verir ki, Husilərin hərbi sözçüsü Yəhya Səri ABŞ-nin X sosial şəbəkəsindəki hesabından Səudiyyə Ərəbistanına qarşı həyata keçirilən hücumlarla bağlı açıqlama yayıb.
Səri bildirib ki, Ər-Riyadda yerləşən Kral Xalid Beynəlxalq Hava Limanı və maliyyə mərkəzi iki ballistik raketlə “Petroline” adı ilə də tanınan Şərq-Qərb neft kəməri üzərindəki 5 və 6 nömrəli neft nasos stansiyaları isə iki pilotsuz uçuş aparatı (PUA) ilə vurulub.
Səudiyyə Ərəbistanının rəhbərlik etdiyi Koalisiya Qüvvələrinin sözçüsü, briqada generalı Türki əl-Maliki daha əvvəl verdiyi açıqlamada ölkənin müxtəlif bölgələrinə atılan iki ballistik raketin və altı PUA-nın zərərsizləşdirildiyini bildirib.
Maliki ballistik raketlərin Ər-Riyadı, PUA-ların isə Məkkə, Mədinə və Şərqiyyə bölgələrini hədəf aldığını qeyd edib.