Özbəkistanın xarici işlər naziri Əbdüləziz Kamilov parlamentdə Özbəkistanın Ukrayna hadisələri ilə bağlı mövqeyini açıqlayıb.
Manset.az xəbər verir ki, Kamilov bildirib ki, “Özbəkistan Ukraynanın ərazi bütövlüyünü və suverenliyini tanıyır, qondarma Donbas, Luqansk və Donetsk xalq respublikalarını tanımır. Ukraynadakı vəziyyət Özbəkistanda ciddi narahatlıq yaradır. Biz münaqişənin sülh yolu ilə, siyasi və diplomatik yollarla həllinin tərəfdarıyıq. Amma bunun üçün ilk növbədə hücumlar və zorakılıqlar dərhal dayandırılmalıdır”
