Vaxtilə "Real Madrid" futbol klubunda forma geyinmiş kolumbiyalı futbolçu Fredi Rinkon xəstəxanada ölüb.
Manset.az "Haber Global"a istinadla xəbər verir ki, 55 yaşlı keçmiş futbolçu aprelin 11-də dəhşətli yol qəzası keçirmişdi. Onun başından çoxsaylı zərbələr aldığı və vəziyyətinin ağır olduğu bildirilirdi.
"Rinkona bütün gücümüz və sevgimizlə cəsarətimizi göndəririk", - deyə "Kral klubu" qəza günü mesaj yayımlamışdı.
Qeyd edək ki, Rinkonun idarə etdiyi avtomobil avtobusla toqquşmuşdu. Qəza nəticəsində avtobus sürücüsü də daxil olmaqla 4 nəfər xəsarət almışdı.
