Yaponiya Müdafiə Nazirliyi və Cənubi Koreya Baş Qərargahı Şimali Koreyanın Yapon dənizi (Şərq dənizi) istiqamətində iki ballistik raket atdığını açıqlayıb.
Manset.az-ın xarici mediaya istinadən məlumatına görə, Cənubi Koreya Baş Qərargahı yerli vaxtla saat 06:01 və 06:23-də Pxenyan yaxınlığındakı Samsok bölgəsindən iki qısa mənzilli ballistik raketin buraxıldığını bildirib.
Yaponiyanın müdafiə naziri Hamada Yasukazu maksimum 350 kilometr, digər 800 kilometr yüksəkliyə çatan raketlərin Yaponiyanın müstəsna iqtisadi zonasından kənara düşdüyünü bildirib.
