Almaniya kansleri Olaf Şolz Rusiya prezidenti Vladimir Putini “ölkəsini fəlakətli sürüşkən yola saldığına” görə tənqid edib.
Manset.az-ın xarici mediaya istinadən məlumatına görə, Putinin Ukraynaya qarşı müharibədə ümidsizcə yolunu itirdiyini müdafiə edən Şolz, “Putin Ukraynaya qarşı ən ağır cinayətləri əmr edir. Müdafiəsiz mülki əhaliyə, uşaqlara, qadınlara və qocalara raketlər atmaqla təkcə beynəlxalq hüququ ciddi şəkildə pozmur, həm də ağlasığmaz mənəvi uçuruma yol açır" – deyib.
O, Rusiya qoşunlarını çıxarana qədər Ukraynaya dəstəyi davam etdirəcəklərini bildirib.
