ABŞ-ın Alabama ştatında qətl törətdiyinə görə edama məhkum edilən Kennet Eugene Smith adlı məhbus azot qazı ilə zəhərlənərək edam edilib.
Manset.az-ın xarici mediaya istinadən məlumatına görə, bu təcrübə dünya tarixində bir ilk kimi qeydə alınsa da, insan hüquqları ilə bağlı müzakirələrə də səbəb olub.
Alabama həbsxanasının sözçüsü Kelly Betts xüsusi maska taxaraq azot qazı ilə nəfəs almağa məcbur edilən Smitin yerli vaxtla saat 20:25-də öldüyünü açıqlayıb.
Qeyd edək ki, “Azot hipoksiyası” kimi tanınan yeni edam təcrübəsi ABŞ-da olduğu kimi dünyada da bir ilk olaraq qeydə alınıb. 1989-cu ildə bir din xadiminin həyat yoldaşı Elizabet Senneti qətlə yetirməkdə təqsirli bilinən 58 yaşlı Smitə verilən ölüm hökmü 2022-ci ildə ölümcül iynə vurularaq icra olunmağa çalışılıb. Lakin Smitin damar yolunu tapmaq mümkün olmadığı üçün edam təxirə salınmışdı.
Əfsanə
Manşet.az
