Şabranda qadın sirkə turşusu içdi - vəziyyəti ağırdır

Şabran şəhərində 51 yaşlı qadın sirkə turşusu içib.

Manset.az-ın məlumatına görə, hadisə şəhərin Vidadi Abdullayev küçəsində qeydə alınıb.

1970-ci il təvəllüdlü, Sevinc Əliverdi qızı Məmmədova sirkə turşusundan zəhərlənmə diaqnozu ilə Şabran rayon Mərkəzi Xəstəxanasına yerləşdirilib, vəziyyəti həkimlər tərəfindən ağır qiymətləndirilir.

S. Məmmədovaya zəruri ilkin tibbi yardım göstərilir.

Xəstəxanadan S. Məmmədovanın sirkəni təsadüfən içdiyi bildirilib.

Faktla bağlı araşdırma aparılır.