Göyçayda kimsəsiz qadın dəm qazından boğularaq ölüb.
Manset.az report-a istinadən xəbər verir ki, hadisə bu gün şəhərin Sabir küçəsindəki 27 saylı ünvanda yerləşən mənzildə qeydə alınıb.
Rayon sakini 64 yaşlı Zeynalova Fatma Məhəmməd qızı qonşuda kimsəsiz yaşayan ahıl yaşlı qadın, 81 yaşlı Babayeva Fatma Seyfəddin qızını hamamda çimizdirərkən nasaz sobadan içəri daxil olan dəm qazından zəhərləniblər.
Hər iki qadın təcili və təxirəsalınmaz tibbi yardım stansiyasının avtomobili ilə Göyçay Rayon Mərkəzi Xəstəxanasına çatdırılıb.
Həkimlərin səyinə baxmayaraq, 81 yaşlı Fatma Babayeva dünyasını dəyişib.
