La Liqanın 10-cu turu çərçivəsində oktyabrın 26-da baş tutan "el klasiko"da "Barselona"nın ulduzu Lamin Yamalla "Real Madrid"in vingeri Vinisius Junior arasında insident olub.
Manset.az Fanat.az-a istinadən xəbər verir ki, hadisəni "Movistar+" telekanalında yayımlanan "El Día Después" verilişində işıqlandırıblar.
Olay meydan sahibi "Real"ın 2:1 hesablı qələbəsi ilə bitən duelin ardından komandalar paltardəyişmə otağına yollanarkən qeydə alınıb.
Yamal Vinisiusdan soruşub: "Hə, nə oldu, gedək dalaşaq?" Vinisius isə qısa cavabla kifayətlənib: "Gəl, gedək!"
