"Real Madrid" Kylian Mbappe ilə bağlı iddiaların ardından qarışıq bir dövr keçirir. Fransalı hücumçuya səhv diaqnoz qoyulduğu və bu səbəbdən zədəsinin ağırlaşdığı iddia edilir.
Manset.az xarici mediaya istinadən xəbər verir ki, hadisə ilə əlaqədar olaraq, məsul şəxsin vəzifəsindən azad edildiyi bildirilir.
Kylian Mbappe bir müddətdir fiziki problemlərlə mübarizə aparır və bu səbəblə çətin bir dövr keçirir. Onun performansı və komanda ilə sahədə keçirdiyi vaxt bu problemlər səbəbindən azalmışdı. O il sonlarına yaxın dizindəki narahatlıqlar gündəmə gəlməsi ilə bəzi oyunları qaçırmışdı. Lakin vəziyyət zamanla pisləşib və indi bir neçə həftə sahələrdən uzaq qalacağı anlaşılır. Bu, "Real Madrid" üçün ciddi bir itkidir. Çünki komanda "La Liga"da liderlik mübarizəsi apararkən və Çempionlar Liqasının 16-cı turu yaxınlaşarkən ən çox qol vuran oyunçusunu itirmiş olur.
Məlumata görə, fransalı futbolçunun sol dizində ciddi bir zədə mövcuddur. Ağrılarla oynamağa çalışsa da, artıq tamamilə istirahət etməyə məcbur olur.
