Futbol üzrə Azərbaycan Premyer Liqasında XXII tura yekun vurulub.
Manset.az xəbər verir ki, günün ilk matçında "Səbail" "Zirə"ni qəbul edib.
"ASCO Arena"dakı qarşılaşma meydan sahiblərinin 2:0 hesablı qələbəsi ilə yekunlaşıb. "Dənizçilər"in heyətində 48-ci dəqiqədə David Qomis, 78-ci dəqiqədə Mirabdulla Abbasov fərqlənib.
Bu nəticədən sonra xallarının sayını 16-ya çatdıran "Səbail" 7-ci pillədəki "Şamaxı"ya çatıb. "Qartallar" isə 32 xalla 4-cü sıradadır.
Günün ikinci oyununda "Sumqayıt" "Şamaxı"nı qəbul edib. "Kapital Bank Arena"dakı qarşılaşma meydan sahiblərinin 1:0 hesablı qələbəsi ilə bitib. "Gənclik şəhəri" təmsilçisinin heyətində 24-cü dəqiqədə Kərim Abubakar fərqlənib.
Bu nəticədən sonra xallarının sayını 18-ə çatdıran "Sumqayıt" 7-ci pilləyə yüksəlib. Qonaqlar isə 8-cı sıraya enib.
Qeyd edək ki, turun əvvəlki oyunlarında "Qəbələ” ilə "Neftçi” qolsuz bərabərə qalıblar, "Turan Tovuz” "Kəpəz”ə (2:0) qalib gəlibsə, "Qarabağ” - "Sabah” görüşündə heç-heçə qeydə alınıb - 1:1.
