İsveç Kral Elmlər Akademiyasında keçirilən mətbuat konfransında 2025-ci il Nobel Fizika Mükafatının sahibləri elan edilib.
Manset.az xəbər verir ki, ABŞ-ın Kaliforniya ştatında çalışan ingilis mənşəli John Clarke, fransız Michel Devoret və amerikalı John Martinis, elektrik dövrəsində makroskopik kvant-mexaniki tunelləmə və enerji kvantlaşmasının kəşfinə dair araşdırmalarına görə bu mükafata layiq görülüblər.
2024-cü il Nobel Fizika Mükafatı isə “süni sinir şəbəkələri ilə maşın öyrənməsini mümkün edən tədqiqatlara” görə amerikalı John Hopfield və ingilis əsilli kanadalı Geoffrey Hintona verilmişdi.
