Türkiyənin Batman şəhərində parkda 9 yaşlı uşaq havalı tüfəklə vurulub.
Manset.az Türkiyə mediasına istinadən xəbər verir ki, azyaşlı müəllimi və sinif yoldaşları ilə birlikdə getdiyi parkda havalı tüfəklə açılan atəş nəticəsində ayağından xəsarət alıb.
M.N.A. parkda oyun oynayarkən 14 yaşlarında olan iki uşağın birinin havalı tüfəki boş zənn edərək atəş açması nəticəsində bacağından yaralanıb. Hadisədən sonra uşaqlar qaçıb, polis və tibbi yardım briqadaları hadisə yerinə çağırılıb.
Müəllimin müşayiəti ilə xəstəxanaya aparılan M.N.A. müalicəyə götürülüb. Qaçan iki şübhəliyin tutulması üçün araşdırmalar davam edir.
