“Fənərbağça”nın futbolçusu Anderson Talisca haqqında yayılan transfer xəbərlərinə münasibət bildirib.
Manset.az xəbər verir ki, Braziliyalı hücumçunun BƏƏ-nin “Əl-Cəzirə” klubuna keçəcəyi ilə bağlı iddialar gündəmə gəlsə də, 32 yaşlı futbolçu bu xəbərləri təkzib edib. Talisca sosial şəbəkədə yayılan xəbərə “Fake News” (“Saxta xəbər”) şərhini yazaraq transfer iddialarını yalanlayıb. Daha sonra isə həmin şərhini silib.
Qeyd edək ki, son günlər müxtəlif KİV-lərdə “Əl-Cəzirə”nin futbolçu ilə razılıq əldə etdiyi barədə məlumatlar yayılmışdı.
Talisca cari mövsümdə “Fənərbağça”nın heyətində keçirdiyi 6 oyunda 5 qola imza atıb.
