"Qarabağ" Universitetində işləmək istəyənlərin nəzərinə!

18:56 - 12 Mart 2024

Xankəndi şəhərində fəaliyyət göstərəcək Qarabağ Universitetində elan olunmuş proqram rəhbəri vakansiyası üzrə müraciətlərin qəbulu davam edir.

 

Elm və Ali Təhsil üzrə Dövlət Agentliyindən Manset.az-a bildirilib ki, müraciət edənlərin böyük bir qismi proqram rəhbəri vəzifəsi üçün vakansiyada müəyyən edilən tələblərə uyğun olmayan şəxslər tərəfindən edilib. Vakansiya üzrə tələb olunan sənədləri tam və tələb olunan formada təqdim etməyən şəxslərə münasibətdə isə onlara bu barədə müvafiq sorğular göndərilib.

Qarabağ Universitetində elan olunmuş proqram rəhbəri vakansiyası üzrə müraciətlərin martın 15-dək qəbulunun davam edəcəyini nəzərə alaraq vakansiyada müəyyən edilən tələblərə uyğun namizədlərin müraciət etmələri və bu zaman sənədlərini tam və tələb olunan formada təqdim etmələri xahiş olunur.

Agentlik bir daha diqqətə çatdırır ki, yalnız vakansiya tələblərinə uyğun gələn və lazımi bütün sənədləri müəyyən edilən formada təqdim edən şəxslərin müraciətlərinə baxılacaq.


Xəbər xətti

21 Aprel 2024

Ən son xəbərləri səhifəmizdən də izləyin