Sudanda milyonlarla insanı dəhşətli aclıq gözləyir

00:16 - 17 Mart 2024

Sudanda milyonlarla insanı dəhşətli aclıq gözləyir

Sudanda beş milyona yaxın insan yaxın aylarda fəlakətli aclıq təhlükəsi ilə üzləşə bilər.

 

Manset.az Oxu.az-a istinadən xəbər verir ki, bu barədə Birləşmiş Millətlər Təşkilatı (BMT) məlumat yayıb.

Təşkilat döyüşən tərəfləri yardımın çatdırılmasına icazə verməyə çağırıb.

BMT Baş katibinin müavini Martin Qriffitsin sözlərinə görə, təhlükəsizlik vəziyyəti pisləşdikcə, Qərbi və Mərkəzi Darfurda insanlar aclıqla üzləşəcəklər. Çaddan Sudan bölgəsinə yardımın transsərhəd çatdırılması “kritik həyat xətti”dir.

Qriffits vurğulayıb ki, hazırda təxminən 730 min sudanlı uşaq qida çatışmazlığından əziyyət çəkir.

Qeyd edək ki, Sudan ordusu ilə Çevik Reaksiya Qüvvələri (RRF) arasında silahlı qarşıdurma 15 aprel 2023-cü ildə başlayıb. Toqquşmalara səbəb RRF-nin ordu strukturuna inteqrasiyası məsələsi olub. Paytaxt Xartumda gedən döyüşlər ölkənin digər bölgələrinə də yayılıb.


Xəbər xətti

21 Aprel 2024

Ən son xəbərləri səhifəmizdən də izləyin