AFFA bu klubları sərt cəzalandırdı - Siyahı

13:43 - 3 May 2024

AFFA bu klubları sərt cəzalandırdı - Siyahı

Bu gün AFFA İntizam Komitəsinin iclası keçirilib.

 

Manset.az  xəbər verir ki, keçirilən iclasda Premyer Liqanın 22-ci turunun oyunları ilə bağlı aşağıdakı qərarlar qəbul edilib:

- “Qəbələ” – “Kəpəz” oyununda “Qəbələ” klubunun 4 futbolçusu sarı vərəqə aldığına görə “Qəbələ” klubu 700 manat cərimə edilib;

- “Neftçi” – “Turan Tovuz” oyununun 63-cü dəqiqəsində “Turan Tovuz” klubunun 6 nömrəli futbolçusu Bruno Qonçalves təcavüzkar davranışa görə birbaşa qırmızı vərəqə aldığı üçün 2 oyun şərti olmaqla 4 oyun cəzalanıb, “Turan Tovuz” klubu 3000 manat cərimə edilib. Sınaq müddəti 3 ay təyin edilib;

- “Neftçi” – “Turan Tovuz” oyununa FHN maşını təyin edilmiş vaxtdan gec gəldiyinə görə “Neftçi” klubu 1000 manat cərimə edilib;

- “Neftçi” – “Turan Tovuz” oyunu bitdikdən sonra futbolçuların avtobusa rahat daxil olmasına şərait yaradılmadığına görə “Neftçi” klubu 500 manat cərimə edilib;

- “Neftçi” – “Turan Tovuz” oyununda “Turan Tovuz” azarkeşləri tərəfindən hakimlərin ünvanına kütləvi şəkildə təhqiramiz ifadələr səsləndirildiyinə görə “Turan Tovuz” klubu 1000 manat cərimə edilib;

- “Sumqayıt” – “Qarabağ” oyunu bitdikdən sonra meydançaya kənar şəxslər daxil olduğuna görə “Sumqayıt” klubu 800 manat cərimə edilib;

- “Sumqayıt” – “Qarabağ” oyununun 78-ci dəqiqəsində “Qarabağ” azarkeşləri tərəfindən meydançaya kənar əşyalar atıldığına görə “Qarabağ” klubu 800 manat cərimə edilib;

- “Zirə” – “Araz-Naxçıvan” oyununda “Araz-Naxçıvan” klubunun oyunçuları tərəfindən texniki zonanın dam örtüyünə vurulmuş zərər “Araz-Naxçıvan” klubu tərəfindən ödəniləcək.


Xəbər xətti

22 May 2024

Ən son xəbərləri səhifəmizdən də izləyin