Ziya Məmmədov oğlunun Britaniyadakı restoranından DANIŞDI: "Əgər Allaha inamınız varsa..."

13:50 - 27 Dekabr 2022

Ziya Məmmədov oğlunun Britaniyadakı restoranından DANIŞDI:

Bir neçə gün öncə bloger Cavanşir Həsənli sabiq nəqliyyat naziri Ziya Məmmədovun oğlu Anar Məmmədovun Virciniya adalarındakı bir şirkətdə 41 milyon funt sterlinqə (85 milyon manat) sahib olması ilə bağlı məlumat paylaşıb.Həmçinin jurnalist Anar Məmmədovun şirkətinin Britaniyanın şimal-qərbində 22 restorandan ibarət "KFC franchise" şəbəkəsinə sahib olduğunu da iddia edib.

Sözügedən məsələ ilə bağlı Manset.az Ziya Məmmədovla əlaqə saxlayıb. O, yazılanların həqiqətəuyğun olmadığını bildirib:

“O xəbəri yazan kimdirsə, getsin o restoranı tapsın. Sonra o restoranı həmin adama bağışlayacam. Otuz ildir ki, belə cəfəngiyyat şeylər yazırlar, məndən əl çəksinlər. Anarın Britaniyada restoranı yoxdur. Bu cür məlumatlarla mənə qarşı təxribat edirlər. Əgər Allaha inamınız varsa, inanın ki, elə şey yoxdur. Mənim nəyim varsa, aşkardadır. Mən gizlində iş görən deyiləm. Restoran elə bir obyektdir ki, onu gizləmək mümkün deyil. Yalandır, böhtandır. Bir restoranım var, o da kəndimizin başındadır. Gedin, yeyin, için, kef edin. Amma Britaniyada restoranımızın olduğunu kim yazıbsa, ona deyin getsin götürsün. Həmin restoranı ona bağışladım”.

Manşet.az 
 


Xəbər xətti

25 İyul 2024

Ən son xəbərləri səhifəmizdən də izləyin