Azərbaycanda 22 il əvvəl törədilən quldurluğun üstü açıldı

13:03 - 8 Mart 2023

Azərbaycanda 22 il əvvəl törədilən quldurluğun üstü açıldı

Masallıda 22 il əvvəl törədilən quldurluğun üstü açılıb.

 

DİN-in Mətbuat Xidmətinin Lənkəran regional qrupundan Manset.az-a bildirilib ki, 2001-ci ilin fevral ayının 16-da saat 21 radələrində Masallı rayonunun Yeyenkənd kəndində yaşayan Gülhüseyn Nəcəfovun evinə girmiş 3 nəfər maskalı şəxs onu avtomat və lüləsi kəsilmiş tüfənglə hədələyib 500 ABŞ dolları, (məbləği müəyyənləşdirilir) rubl, qızıl üzük və mobil telefonunu alaraq hadisə yerini tərk edib.

Faktla bağlı CM-nin 181-ci (quldurluq) maddəsi ilə cinayət işi başlanıb.

Qeyd olunan cinayətin törədilməsi ilə əlaqədar bu günlərdə daxil olmuş əməliyyat məlumatları əsasında Masallı RPŞ əməkdaşları tərəfindən həyata keçirilmiş tədbirlərlə cinayəti törədənlərin şəxsiyyəti müəyyən edilib.

Belə ki, Yevlax rayon sakini, əvvəllər məhkum olunmuş 1964-cü il təvəllüdlü Cəlal Qəhrəmanov tutulub, cinayəti törətməkdə şübhəli bilinən digər iki nəfərin - 1967-ci il təvəllüdlü Cümşüd Nəzərovun və 1969-cu il təvəllüdlü Elşən Abbasovun vəfat etmələri məlum olub0.

Tutulmuş C.Qəhrəmanov 22 il əvvəl birgə törətdikləri quldurluq cinayətini etiraf edib.


Xəbər xətti

24 May 2024

Ən son xəbərləri səhifəmizdən də izləyin