Avronest Parlament Assambleyası bürosunun iclası 19-22 fevral tarixlərində Ermənistanın paytaxtı İrəvanda keçiriləcək.
Manset.az xəbər verir ki, bu barədə məlumatı “Hraparak” qəzeti yayıb.
Məlumata görə, Assambleyanın siyasi, insan hüquqları və demokratiya, enerji təhlükəsizliyi, iqtisadi inteqrasiya, hüquqi yaxınlaşma və Avropa İttifaqı siyasəti, sosial məsələlər, məşğulluq, təhsil, mədəniyyət və vətəndaş cəmiyyəti üzrə daimi komissiyalarının, Avronest Parlament Assambleyasının və Şərq Tərəfdaşlığının üzvləri Ermənistana səfər edəcək.
Qəzet yazır ki, Azərbaycan da ilkin olaraq iclasda iştirakını təsdiq edib və Azərbaycan nümayəndə heyətinin İrəvana səfər edəcəyi istisna edilmir.
