“Müzəffər Ali Baş Komandanın və rəşadətli Ordumuzun qəhrəmanlığı sayəsində işğaldan azad olunmuş ərazilərimizdə bu gün ilk dəfədir ki, parlament seçkiləri keçirilir”.
Manset.az xəbər verir ki, bu sözləri jurnalistlərə açıqlamasında Baş nazir Əli Əsədov bildirib.
Hökumət başçısı qeyd edib: “Bu gün ilk dəfədir ki, parlament seçkiləri Azərbaycanin bütün ərazisini əhatə edir. Dövlətimizin idarə edilməsində vacib rolu olan qanunverici orqanın - Milli Məclisin müasir dövlətçilik tariximizdə misilsiz xidmətləri var. Xalqımızın ən layiqli namizədlərə səs verəcəyinə inanıram. Mandat qazanacaq deputatlara uğurlar arzulayıram”.
