Sağlam və uzun ömür sürmək üçün yalnız düzgün qidalanma və fiziki aktivlik kifayət etmir. Mütəxəssislər bildirirlər ki, sosial əlaqələr və gündəlik həyat tərzi də sağlam qocalmada mühüm rol oynayır.
Manset.az-ın xarici mediaya istinadən məlumatına görə, sağlam və uzun ömrü dəstəkləyən 5 sadə vərdişi açıqlanıb. Ekspertlərin sözlərinə görə, bu vərdişlər dünyada uzunömürlülüyü ilə seçilən cəmiyyətlərin həyat tərzində geniş yayılıb.
Mütəxəssislər aşağıdakı tövsiyələri verirlər:
- Səhər saatlarında telefondan uzaq duraraq günə gəzinti ilə başlayın;
- Qida rasionunuzda az faydalı məhsulları meyvə və tərəvəzlə əvəz edin;
- Hər gecə ən azı 7 saat keyfiyyətli yuxu almağa çalışın;
- Ailə üzvləri, dostlar və ətrafınızdakı insanlarla güclü sosial əlaqələr qurun;
- Həyata nikbin yanaşmağı vərdiş halına gətirin.
Mütəxəssislər vurğulayırlar ki, bu sadə addımlar həm fiziki, həm də psixoloji sağlamlığın qorunmasına kömək edir, eyni zamanda ömür uzunluğunun artmasına müsbət təsir göstərir.
