logo
logo logo
logo

BDU-da ilk rəhbərdən ilk qadın rektora qədər - Sayca 27-cidir 

11:55 - 19 Noyabr 2026

BDU-da ilk rəhbərdən ilk qadın rektora qədər - Sayca 27-cidir 

Xəbər verdiyimiz kimi, Məleykə Abbaszadə​ Dövlət İmtahan Mərkəzinin sədri vəzifəsindən azad edilərək Bakı Dövlət Universitetinə rektor təyin olunub.


Manset.az Qafqazinfo-ya istinadən xəbər verir ki, bununla Məleykə Abbaszadə BDU tarixində ilk qadın rektor olub.

BDU-nun rektorları siyahısına nəzər saldıqda, Məleykə Abbaszadə universitetin sayca 27-ci rektorudur.

BDU-nun ilk rektoru Vasili Razumovski olub. Cəmi bir il universitetə rektorluq edən V.Razumovski tarixə həm də Azərbaycanın ilk rektoru kimi düşüb.

Daha sonra Sergey Nikolayeviç Davidenkov (1920-23), Aleksandr Dmitriyeviç Qulyayev (1923-1926), Tağı Şahbazi Simurğ (1926-1929), Vladimir Yelpatyevski (1929), Maqsud Məmmədov (1929-1930), Məmmədkazım Ələkbərli (1934-1935), Bala bəy Həsənbəyov (1935-1937), Əziz Əliyev (1937), Cəbrayıl Ələsgərov (1937-1941), akademik Şamil Əliyev (1941-1944), Abdulla Qarayev (1944-1950), Cəfər Hacıyev (1950-1954), Yusif Məmmədəliyev (1954-1958), Şəfaət Mehdiyev (1958-1965), Mehdi Əliyev (1965-1970), əməkdar elm xadimi Faiq Bağırzadə (1970-1987), Yəhya Məmmədov (1987-1989), akademik Cəmil Quliyev isə 1989-1990-cı illərdə universitetin rektoru olub.

Azərbaycan müstəqillik qazandıqdan sonra isə BDU-nun ilk rektoru Mirabbas Qasımov (1990-92) olub. Onun ardınca Firudin Səməndərov 1992-1993-cü illərdə, Murtuz Ələsgərov 1993-1996-cı illərdə, keçmiş təhsil naziri Misir Mərdanov isə 1996-1998-ci illərə qədər universiteti idarə ediblər.

1999-2018-ci illərdə isə BDU-ya Abel Məhərrəmov rəhbərlik edib. O, 19 il bu vəzifəni icra edərək universitetin ən uzunmüddətli rektoru olub.

Daha sonra 2018–2019-cu illərdə elm və təhsil nazirinin müavini Firudin Qurbanov rektor vəzifəsini müvəqqəti icra edib.

2019-cu ildən bu günə qədər isə BDU-nun rektoru Elçin Babayev olub.


Bizi Facebook-da izləyin
Yeniliklərdən xəbərdar olun
Keçid et

Digər xəbərlər

Xəbər xətti

Bütün xəbər xətti
yenielan.az
yenielan.az