Cənubi Koreyada davam edən və 8400 həkimin işini tərk etdiyi tətil nəticəsində ilk dəfə olaraq ölkə daxilində ciddi “ictimai sağlamlıq xəbərdarlığı” edilib.
Manset.az-ın xarici mediaya istinadən məlumatına görə, Cənubi Koreya minlərlə həkim hökumətin "tibb fakültələri kvotalarını artırmaq" qərarına etiraz etmək üçün bir araya gəlib.
Beləki, 8400 həkimin işini dayandırması tibbi xidmətlərə təsir etməyə başlayıb. Böyük xəstəxanalar əməliyyatlarının demək olar ki, 50 faizini ləğv etməyə və təcili yardım istəyən xəstələri geri qaytarmağa məcbur olublar.
Media xəbər verir ki, həkimlər tətil aksiyalarını davam etdirəcəkləri barədə xəbərdarlıq etdiyi üçün ölkənin ən böyük xəstəxanalarından biri istisna olmaqla, bütün təcili yardım xidmətləri qırmızı həyəcan vəziyyətindədir.
Həkimlər hökumətin pediatriya, mamalıq və təcili yardım kimi ilkin səhiyyə sektorlarında intern həkimlərin sayını artırmaq planlarına etiraz edirlər.
Həkimlər həkimlərin kifayət qədər çox olduğunu və əlavə işə qəbulun tibbi xidmət standartını təhlükə altına atacağını iddia edərək, işə qəbul planlarına qarşı olduqlarını bildiriblər.
Əfsanə Rəcəb
Manşet.az
