ABŞ Prezidenti Donald Tramp ABŞ Beynəlxalq İnkişaf Agentliyinin (USAID) ləğvinə razılıq verib.
Manset.az xəbər verir ki, bu barədə biznesmen İlon Mask X sosial şəbəkəsində bildirib.
Onun sözlərinə görə, artıq təşkilatın bağlanması prosesi başlayıb.
"USAİD-in əməkdaşlarına hörmətlə yanaşaraq, mən bunu Donald Trampla ətraflı müzakirə etdim və o, razılaşdı ki, biz agentliyi bağlamalıyıq. Mən ondan bir neçə dəfə bu barədə soruşdum”, - Mask bildirib.
Daha əvvəl iş adamı USAID-in ölməli olan cinayətkar təşkilat olduğunu bildirib. Başqa bir nəşrdə o, agentliyi “radikal sol marksistlərin ilan yuvası” adlandırıb. Mask onların Amerikaya nifrət etdiklərinə əmin olduğunu bildirib.
