Yerin mərkəzində, səthdən təxminən 3000 kilometr aşağıda yerləşən nüvə planetimizin maqnit sahəsini yaradır.
Manset.az xarici mediaya istinadən xəbər verir ki, bu görünməz qalxan Günəşdən gələn yüklü hissəcikləri və kosmik radiasiyanı yayındıraraq həyatı qoruyur. Lakin alimlərin fikrincə, bu qoruyucu sahə xüsusilə Cənubi Atlantika üzərindəki bölgədə sürətlə zəifləyir.
Geomaqnetizm professoru Kris Finlay Avropa Kosmik Agentliyinin (ESA) Swarm peyklərindən əldə edilən məlumatların narahatlıq doğurduğunu bildirib.
"Afrikaya doğru bölgə Cənubi Amerika üzərindəki bölgədən fərqli olaraq dəyişir. Bu bölgədə sahənin daha intensiv zəifləməsinə səbəb olan xüsusi bir proses gedir", - Finlay bildirib.
