Avropa İttifaqı (Aİ) Komissiyası qeyri-qanuni miqrasiya ilə mübarizədə əməkdaşlıq edən üçüncü ölkələrə viza prosedurlarında asanlıq yaradılması, vizasız səyahət rejimlərinin daha ciddi izlənməsi və öhdəliklərini yerinə yetirən ölkələr üçün vizasız səyahətin davamının dəstəklənməsini hədəfləyən yeni təklifini açıqlayıb.
Manset.az xarici mediaya istinadən xəbər verir ki, Aİ Komissiyasının vitse-prezidenti və Texnoloji Suverenlik, Təhlükəsizlik və Demokratiya məsələlərindən məsul üzvü Henna Virkkunen ilə Daxili Əlaqələr və Miqrasiya məsələlərindən məsul üzvü Magnus Brunner, əlaqəli yeni miqrasiya və viza strategiyasının təklifini təqdim etmək üçün birgə mətbuat konfransı keçiriblər.
Virkkunen, "Viza siyasətimiz müasir reallıqları, böyük coğrafi dəyişiklikləri, qlobal rəqabəti və inkişaf edən təhlükəsizlik problemlərini əks etdirməlidir. Aİ, dəyərlərimizə sadiq qalarkən maraqlarımızı müdafiə etmək üçün bütün vasitələrimizdən istifadə etməlidir" ifadələrini istifadə edib.
Aİ-nin viza sistemini daha strateji, koordinasiyalı və qərarlı bir şəkildə istifadə etmək istədiyini bildirən Virkkunen, bu məqsədlə ilk genişmiqyaslı Aİ viza strategiyasını təklif etdiklərini qeyd edib.
Virkkunen, "Etibarlı tərəfdaşlar üçün aydınlıq və səmərəliliyə, sui-istifadə ilə mübarizə aparmaq və təhdidlərlə mübarizə etmək üçün daha güclü alətlərə ehtiyacımız var" deyib.
