ABŞ Prezidenti Donald Tramp İranla bağlı yeni açıqlamalar verib.
Manset.az xarici mediaya istinadən xəbər verir ki, Tramp İrana doğru gedən böyük gəmilərinin olduğunu bildirərək, "İranla bir razılaşma əldə etmək istəyirəm. Hazırda İranla danışıqlar aparırıq. Əgər razılaşa bilsək, bu çox yaxşı olar, razılaşa bilməsək, ehtimal ki, pis şeylər olacaq" - deyib.
O, "Oval Ofis"də təşkil etdiyi imza mərasimində İran məsələsi və Rusiya-Ukrayna danışıqları ilə bağlı son vəziyyəti dəyərləndirib.
Tramp bir tərəfdən İran’a doğru gedən "çox böyük" gəmilərinin olduğunu qeyd edərkən, digər tərəfdən bu ölkənin nümayəndələri ilə danışıqların davam etdiyini bildirib.
